Giovanni Boccaccio

Da Wikipedia, ła ençiclopedia lìbara.

Statua dE Boccaccio, che ła se cata ai Ufisi

Giovanni Boccaccio (Certaldo o Firense 1313 - Certaldo, 21 de diçenbre 1375), el xe sta on poeta e on proşatore e anca ł'autore del çelebre Decameron.

[modìfega] Biografia

Boccaccio nase 'ntel 1313 probabilmente a Certaldo) ma el xe sta 'levà a Firense. Non se ga notisie de so mare. So pare el ga provà a indirisarlo ai afari, mandandoło a Napołi, roba che el xovane Boccaccio no ghe piaxeva e ałora so pare ło ga indirisà ało studio del dirito canonico. Fra el 1330 e el 1331, a ł'università de Napołi el insegna dirito canonico.

'Ntel 1340 el ritorna a Firense a causa de on grave disesto finansiario del pare. Fra el 1346 e el 1348 el vive a Ravena e a Forlì, dove el xe sta ospite de Francesco II Ordelaffi e el ga frequentà i poeti Nereo Morandi e Francesco Miletto de Rossi, dito Checo.

In seguito, el xe tornà a Firense dove el xe scampà ała peste e dove el se ga stabilio definitivamente 'ntel 1349, ała morte del pare, par occuparse del patrimonio deła famija che gera vansà.

'Ntel 1351 el va a Padova, dove el serca invano de convinsare el Petrarca a tornare a Firense pare insegnare.

Intorno al 1370 el se ga ritirà definitivamente 'nte ła so casa de Certaldo dedicandose ała rełijon.